musiques

Live Vauban - miz Kerzu 2015 Cd: "N'int ket deuet a-benn da ziwriziennañ ac'hanomp..." Paker Prod (2014). Pep gwir miret strizh gant Rhapsoldya. all rights reserved.

FRANKIZ ?

Sed aze ur c'hammed graet e bed ar c'hammster
Kilañ 'vit lammat uhel ? Ne vo ket ket dister an diskar
Dieub ? Ster ar ger-se zo un touell
Tro-dro din an darn vrasañ o deus kollet ar poell
'Baoe pell o deus e stanket, e verglet, e drec'het
Pa'z on-me nec'het
An engroez zo stuziet, kendrec'het da vezañ digabestr
Pa ne zeuan ket a-benn da dennañ lagad ebet diwar ar mestr

Frankiz, un dra bennak gant ar ger-mañ a lak ac'hanon d'en em gavout klañv diaes
N'on ket en ma aez pa vez an aezamant o plijout d'an dud muioc'h evit o frankiz

Marv moarvat met bev-mat dre ar yalc'had
Ar sunerien-wad a gav o feadra d'ar marc'had
Flemmet gant ar c'hleñved-red hollvedel
Ur jestr korfel kentoc'h eget ur striv speredel
Mil arouez oc'h ober brud er straedoù
Paket int aes gant gerioù-hud ar strujoù
Stlejet gant an diaoul betek an drekstal
Ur strinkell e pep brec'h, 'bez dinec'h setu an dieub style !

An drougoù a bouez warnomp 'roio deomp an donezon !
Ennout ennoc'h ennon ennomp !

Donderioù ar gêr un deiz a skopo ar fank
Re a dud en dienez setu perak e skoan ma Funk
Etre an dramm hag ar mank, ar mank hag an naon
An naon hag ar mann, ar mann hag an emgann
Gant preder e teuer tamm ha tamm da vout ur geder
Treuzwisket e vez alies ar spont a-dreñv ar sioulder
Me a lavaro dit amañ n'eus ket siouloc'h eget ar feulster
Me a lavaro dit amañ n'eus ket feulsoc'h eget ar sioulder

Frankiz, un dra bennak gant ar ger mañ a lak ac'hanon d'en em gavout klañv diaes
N'on ket en ma aez pa vez an aezamant o plijout muioc'h d'an dud evit o frankiz

Hogen an heugenn a c'hallo tremen
Ma ne gas ket abeg ar ger-se e gementad a feulster
An emgreizadezh eo a grign an den
Gwallc'hoantegezh talvoudegezh an hini a ren
A-dreñv pep den galloudus e santan- me un torfed
Eus an uhelidi gablus betek an dilennidi c'hopret
Padal pep fed pep jestr din a zo sujet d'ur reolenn
Displeg din eta perak e welan atav ar c'hontrol ?

An drougoù a bouez warnomp 'roio deomp an donezon !
Ennout ennoc'h ennon ennomp !

Ar c'hinniger tele o skignañ e gemennadenn
Evitañ, komz eus frankiz 'zo 'vel reiñ kaol d'un azen
E-barzh pep a glopenn e vez kavet pep a empenn
Hag e-barzh pep a glotenn e vez kavet pep a hentenn
Pa gomzan eus an holl e gomzan eus ar bobl
Spisoc'h e vo aze an tem stag mat da c'houriz ma faotr
A-dreñv pep den galloudus e santan-me un torfed
Eus an uhelidi gablus betek an dilennidi c'hopret
Padal pep fed, pep jestr din a zo sujet d'ur reolenn
Displeg din eta perak e welan atav ar c'hontrol ?